Իրակլի Ղարիբաշվիլի. Արհեստականորեն ստեղծված քաղաքական ճգնաժամի հիմքեր չկան, ես բոլոր կողմերին կոչ եմ անում լուծում գտնել կառուցողական երկխոսության միջոցով
Ես կցանկանայի մեկ անգամ ևս կոչ անել բոլոր կողմերին` գտնել կառուցողական երկխոսության միջոցով հնարավորինս շուտ երկիրը վերադարձնելու բնականոն քաղաքական կյանքին, – այսօր կառավարության նիստին ասաց Վրաստանի վարչապետ Իրակլի Ղարիբաշվիլին:
Կառավարության ղեկավարի խոսքով, այժմ գլխավորը երկրի կարևոր մարտահրավերների վրա կենտրոնանալն է:
Իրակլի Ղարիբաշվիլին ամփոփեց նաև Բրյուսել կատարած այցը և այն անվանեց հաջողված:
«Շատ հաջող այց կատարեցինք Բրյուսել: Մենք բարձր մակարդակի հանդիպումներ ենք անցկացրել ինչպես ԵՄ-ում, այնպես էլ ՆԱՏՕ-ում: Շատ հաջող քննարկում ունեցանք ճգնաժամերի և առաջընթացի մասին: Հարկ է նշել, որ այն բարեփոխումը, առաջընթացը, որը մենք ներկայացրել ենք, ճանաչում են բոլորը, ուստի ուզում եմ շնորհակալություն հայտնել բոլորին: Մենք լսել ենք, որ փոխնախագահ Բորելը գնահատում է մեր երկրի քաղաքական իրողությունը և իրավիճակը, ինչպես նաև լսեցինք ընտրությունների վերաբերյալ նրանց գնահատականները, որոնք, ըստ նրանց, ազատ են, արդար և մրցակցային: Արհեստականորեն ստեղծված քաղաքական ճգնաժամի հիմքեր չկան, ուստի ես կցանկանայի բոլոր կողմերին մեկ անգամ ևս կոչ անել գտնել երկիրը բնականոն քաղաքական կյանքին վերադարձնելու միջոց և շարունակել կենտրոնանալ մարտահրավերների վրա, ինչպիսիք են համաճարակը, տնտեսական խնդիրները: Մենք նույնպես շատ հաջող այց կատարեցինք ՆԱՏՕ: Եվս մեկ անգամ ամփոփեցինք այն առաջընթացը, որը մենք արձանագրել ենք վերջին տարիներին պաշտպանության և անվտանգության ոլորտում», – ասաց Ղարիբաշվիլին: