Աշխարհում կորոնավիրուսով վարակվածների թիվը գերազանցել է 8 միլիոն 790 հազարը: Տեղեկությունը տարածում է Ջոնս Հոփքինսի համալսարանը: Այստեղից ավելի քան չորս միլիոն 300 հազարը ապաքինվել է:

Համաշխարհային համավարակը խլել է 464 հազար մարդու կյանք:

Ամենաբարդ իրավիճակը մնում է Բրազիլիայում, որտեղ վիրակի տարածման տեմպը չի դադարում: Համաձայն վերջին թվերի,  հարավամերիկյան պետությունում վարակվածների թիվը հասել է մեկ միլիոնի, մահացել է մոտ 50 000 մարդ: Այնուամենայնիվ, վարակման և մահացության թվով առաջին տեղում Ամերիկայի Միացյալ Նահանգներն են, որտեղ վարակի զոհերի թիվը մոտենում է 120 հազարի:

Եվրոպայում դեպքերի թիվը այս փուլում կտրուկ չի աճել: Վերջին 24 ժամվա ընթացքում 128 մարդ մահացել է Մեծ Բրիտանիայում, 49-ը Իտալիայում: Վերջին օր ու գիշերվա ընթացքում Իտալիայում գրանցվել է վարակման 262 նոր դեպք: Ինչ վերաբերում է Չինաստանին, որտեղից սկսվել է վարակի տարածումն աշխարհում, վերջին 24 ժամվա ընթացքում գրանցվել է վարակման 26 նոր դեպք, որոնց մեծամասնությունը գրանցվել է Պեկինում: