Қырҭтәыла ахада Саломе Зурабишвили хәажәкыра 5 рзы аусуратә визитла Америка даҭаауеит, лара Ниу – Иорк   имҩаҧысуа ЕАР аекономикатәи асоциалтәи хеилак аҳәса рстатус иазку акомиссиа  67-тәи асессиа лхы алалырхәоит. Ари аинформациа аланарҵәеит атәыла ахада ладминистрациа.

Хәажәкыра 6 рзы атәыла ахада ЕАР атәылақәа рхаҭарнакцәа рҿаҧхьа дықәгылоит.  Асессиаҿы ЕАР атәылақәа рхаҭарнакцәа  аҳәсеи аҧҳәызбацәеи рырҕәҕәара иазку аиновациақәеи, атехнологиатә аиҭакрақәеи, арыцхәтә епохаҿ аҵареи иазку азҵаарақәа ирылацәажәоит.

Ниу-Иорк лвизит аҳәаақәа ирҭагӡаны, Қырҭтәыла ахада ЕАР амаӡаныҟәгаҩ хада Антониа Гутиереши, ЕАР амаӡаныҟәгаҩ хада ихаҭыҧуаа Амина Маҳамеди, ЕАР Аҳәса реиҿкаара анагӡаратә директор Сима Сами Баҳуҭи, ЕАР аҿиара апрограмма администратор Аҳим Штаинери дырҧылоит.

Аплан иарбоуп егьырҭ еиуеиҧшым аиҧыларақәагьы.

Америка лвизит аҳәаақәа ирҭагӡаны, Қырҭтәыла ахада Америка инхо ақырҭуа диаспора ахаҭарнакцәагьы дырҧылоит.