Қырҭтәыла ахада  Михаил Ҟавелашвили аофициалтә визитла Сербиа даҭааит. Атәыла ахада ицуп иҧҳәыс Ҭамар Багратионии ақырҭуа делегациеи.

Қырҭтәыла ахада иадминистрациа адыррала, Белградтәи жәларбжьаратәи аҳаирбаҕәазаҿ Қырҭтәыла ахада иҧылара аофициалтә церемониа мҩаҧган.

«Аҳаирбаҕәазаҿ Михаил Ҟавелашвилии ақырҭуа делегациеи ирҧылеит Сербиа адәныҟатәи аусқәа рминистр  Марко Џьуричи, Қырҭтәыла адәныҟатәи аусқәа рминистр Мака Боҷоришвилии, Қырҭтәыла иҟоу Сербиа ацҳаражәҳәаҩ  Татиана  Панаиотович-Цветковичи, Сербиа иҟоу Қырҭтәыла ацҳаражәҳәаҩ Леван Бериӡеи.

Атәыла ахада иадминистрациа адыррақәа рыла, авизит аҳәаақәа ирҭагӡаны, Қырҭтәыла ахадеи иделегациеи  «Сербиатәи аханаҿ» идикылоит Сербиа ахада Алеқсандр Вучич, уааҵәҟьа аҧылара аофициалтә церемониа мҩаҧгахоит. Михаил Ҟавелашивлии  Алеқсандр Вучичи ишиашо, иара убас, ирҭбаау аформатқәа рҿы еиҧылоит, анеҩс, АИХқәа рзы аҳәамҭақәа ҟарҵоит.

Иара убас, авизит аҳәаақәа ирҭагӡаны, Михаил Ҟавелашвили, Сербиа аҧыза-министр Џьуро  Матучичи жәлартә скупшина ахантәаҩы  Ана Брнабичи дырҧылоит.