Қырҭтәыла ахада Михаил Ҟавелашвили, иҧҳәыс диманы,  аофициалтә визитла Сербиа даҭаауеит. Атәыла ахада  аделегациагьы ицзаауеит.

Атәыла ахада иадминистрациа адыррақәа рыла, авизит аҳәаақәа ирҭагӡаны, Қырҭтәыла ахадеи иделегациеи  «Сербиатәи аханаҿ» идикылоит Сербиа ахада Алеқсандр Вучич, уааҵәҟьа аҧылара аофициалтә церемониа мҩаҧгахоит. Михаил Ҟавелашивлии  Алеқсандр Вучичи ишиашо, иара убас, ирҭбаау аформатқәа рҿы еиҧылоит, анеҩс, АИХқәа рзы аҳәамҭақәа ҟарҵоит.

Иара убас, авизит аҳәаақәа ирҭагӡаны, Михаил Ҟавелашвили, Сербиа аҧыза-министр Џьуро  Матучичи жәлартә скупшина ахантәаҩы  Ана Брнабичи дырҧылоит.

Ақырҭуа делегациа иалоуп: адәныҟатәи аусқәа рминситр Мака Боҷоришвили, Қырҭәтыла апарламент адепутатцәа  — Иракли Мезурнишвилии, Ирма Заврадашвилии, Гурам Маҷарашвилии, Сербиа иҟоу Қырҭтәыла ацҳаражәҳәаҩ  Леван Бериӡеи, Қырҭәтыла ахада иадминситрациа ахаҭарнакцәеи.