Қырҭтәыла апарламентаҿ 1921 шықәса жәабран азы Коџьори-Табахмела имҩаҧысуаз ақәҧара иалаӡыз аиункерцәа ҳаҭырла иргәаладыршәеит.

Аусмҩаҧгатә рхы аладырхәит Қырҭтәыла аҧыза-министр Иракли Кобахиӡеи, атәыла ахада Михаил Ҟавелашвилии, апарламент ахантәаҩы Шьалуа Папуашвилии, Қарҭ ахада Каха Калаӡеи, урҭ  1921 шықәсазы Коџьори-Табахмелаҿ урыстәылатәи ар иаҿагыланы иқәҧоз  аиункерцәа ҳаҭырла иргәаладыршәеит.
Қырҭтәыла аҧыза-министр Апарламент ашҭаҿ иҟоу аиункерцәа рмемориал амҵан ашәҭ шьыҵәрақәа шьҭеиҵеит.
„Иахьа аиункерцәа ргәаларшәара мшуп. Арҭ афырхацәа атәыла ахьыҧшымреи ахьыҧшымра азықәҧареи рхы ақәырҵеит, ҳәарада, ҳара игыло абиҧарақәагьы  арҭ аиункерцәа рфырхаҵара ҳаҭыр ақәырҵаратәы иҟаҳҵароуп. Урҭ иреиҧшу ауаа рфырхаҵароуп иахьанӡагьы ҳтәыла ахьыҧшымра аазгаз, ҳара ҳаҭырла ргәаларшәара иаҳуалуп“, – иҳәеит аҧыза-министр.
Иракли Кобахиӡе, иҭахаз аиункерцәа ргәаларшәаразы Гәырҕьаҿҳәаша ахьӡала апарламент ахыбраҿ иҟоу аныҳәарҭаҿ имҩаҧгаз апанихидаҿ дыҟан.