Қырҭтәыла Актәи аканали Аҳәынҭқарратә бызшәа адепартаменти аусеицура амеморандум рыбжьарҵеит.

Амеморандум хықәкыс иамоуп АИХқәа рҿы иҟаҵоу агхақәа рыриашареи абарбаризмқәа ақырҭуа аналогқәа рыла рыҧсахреи, ақырҭуа бызшәа иаҳа аӡыргареи.

Қырҭтәыла Актәи аканал агенералтә директор Ҭинаҭин Берӡенишвили ишылҳәаз ала, Актәи аканал, адырраҭара абызшәа аиҕьтәразы, активла аусура иалагоит.

«Иахьа аофициалла амеморандум ҳнапы аҵааҩит, аха, уаанӡагьы аҽазыҟаҵаратә усурақәа мҩаҧган. Ақырҭуа бызшәа аҵакы изныкымкәа ҳалацәажәахьеит, ҷыдала адырраҭара абызшәа. Ҳдырраҭараҿы абызшәа аиҕьтәразы принципқәак аус рыдааулеит. Ари ахырхарҭала активла аусура ҳалагоит», — илҳәеит  Берӡенишвили.

Аҳәынҭқарратә бызшәа адепартамент анапхгаҩы Гьаргь  Алибегашвили ишиҳәаз ала, иахьа рнапы зҵарҩыз амеморандум аҳәынҭқарратә ҵакы амоуп.