Қырҭтәыла Ауаажәларратә дырраҭара, азакәан ала ишьақәыргылоу амандат инақәыршәаны, ажурналисттә етика иҳаракӡоу астандартқәа рыла,  ихьыҧшымкәа аус ауеит.

Ауаажәларратә дырраҭара иарбанзаалак аполитикатә ганк ирыдгылом, мчык иадҳәалоу аинтересқәа амам  – аредакциатә аӡбарақәа зегьы ҳадаҳкылоит ауаажәларратә интерес апринцип мацара ашьаҭала.

Еиуеиҧшым агәаанагарақәа раарҧшреи, абаланс ахьчареи, еиуеиҧшым апозициақәа рылацәажәареи ауп есымшатәи ҳусура шьаҭас иамоу.

Ауаажәларратә дырраҭара иазықәдыргыло ахарадҵарақәа адырраҭара ахьӡи  ҳуааҧсыра рыгәрагареи аларҟәроуп изызку.

Еиуеиҧшым жәларбжьаратәи аиҿкаарақәа рхатә аҳасабырбақәа рҿы иаҵшьны иазгәарҭоит Ауаажәларратә дырраҭара аусушьа анеитралтә ҟазшьа шамоу.

Ауаажәларратә дырраҭара  ҧасагьы наҟ-наҟгьы хықәкык ауп иамазаауа  — ауааҧсыра ринтересқәа рыхьчареи аобиективтә информациа рыҭареи.

Евроеидгыла арҭбаара иазкны иахьа Еврокомиссиа ицәырнагаз аҳасабырбаҿы Ауаажәларратә дырраҭара аусушьа акритикатә ахәшьара аиуит.