Қырҭтәыла Адәныҟатәи аусқәа рминистрра аҳәамҭа инақәыршәаны, Қырҭтәыла адәныҟатәи аусқәа рминистр Давиҭ Залкалиани аҭырқәа иколлега Мевлуҭ Чавушоҕлу иҟны еиҧҟьарада аимадара имоуп Афганистан иҟоу Қырҭтәыла атәылауаа аҧсадгьылахь рырхынҳәра азҵаара иадҳәаланы.

Ишдыру ала, Қырҭтәыла атәылауаа, аус ахьыруа аҭыҧ аҟынтә аҳаирбаҕәазашҟа инаргароуп Ҭырқәтәыла ацхыраарала.

«Иацы, аиҳабыра ранапхгаҩы идҵала, Адәныҟатәи аусқәа рминистрра апартниор тәылақәа рҟны аиҿцәажәарақәа мҩаҧыргеит Қырҭтәыла атәылауаа Афганистан ралгара иазкны. Украинатәи аган ҳтәылауаа рымҩангара иазыхиан, аха, аҭагылазаашьа цәгьа амшала, Қырҭтәыла атәылауаа Кабултәи аҳаирбаҕәазанӡа изымнеит», — аарыцҳаит Қырҭтәыла Адәныҟатәи аусқәа рминистрра аҟынтә.

Афганистан иҟоу Қырҭтәыла атәылауаа хазхҭалатәи асектор аҿы аус руеит.  17ҩык атәылауаа канадатәи, фҩык  — америкатәи еилахәырақәа рҿы.