«Қарҭи арегионқәеи рҿы анаркоацәгьаура ахарадарала 43ҩык аанкылоуп, урҭ ирылоуп Қырҭтәыла атәылауаагьы атәымуаагьы», — иҳәеит аҩныҵҟатәи аусқәа рминистр Гела Гелаӡе.

Иара иажәақәа рыла, атәыла зехьынџьара анаркоацәгьаура иаҿагылоу ақәҧара активла имҩаҧысуеит.

«Ҳуааҧсыра идсырдырыр сҭахуп  анаркотикқәа закәандарала реикәшара иаҿагылоу ақәҧара аҳәаақәа ирҭагӡаны аҵыхәтәантәи 24 сааҭ ирылагӡаны Қарҭи арегионқәеи рҿы имҩаҧгаз даҽа операциак иазкны. Анаркотикқәа закәандарала раахәареи, атәылашҟа раагареи, рышьҭаҵареи, рыҭиреи, рыҭира аҽазкреи азы 43ҩык аанкылоуп. Урҭ ирылоуп Қырҭтәыла атәылауаагьы атәымуаагьы.

Ари ацәгьауразы 20 шықәса ма аҧсранӡа аҭакра иазҧхьагәаҭоуп.

Ашаҳаҭгақәа инрықәыршәаны, иаанкылоу ауааҧсыра анаркотикқәа рыҭиразы еиуеиҧшым аинтернет-ацҵатәқәеи, асоциалтә аҳақәеи рхы иадырхәон, иара убас,  «анапы аҟынтә анапахь» аметодлагьы анаркотикқәа рҭиуан.

Аҩныҵҟатәи аусқәа рминистрреи иашьашәалоу аполициатә аҟәшақәеи уахгьы-ҽынгьы закәандарала анаркотикқәа реикәшара иаҿагыланы ақәҧара нарыгӡоит. Имҩаҧырго аусура ду азыҳәан ҭабуп ҳәа расҳәоит», — иҳәеит  Гела Гелаӡе.