Қырҭтәыла Амилаҭтә банк ахада Наҭиа Турнава SIBOS есышықәсатәи жәларбжьаратәи аконференциа лхы алалырхәоит.  SWIFT ала еиҿкаау ари аусмҩаҧгатә аҿы еизоит еиуеиҧшым атәылақәа рфинанстә индустриақәа рхаҭарнакцәа.

Сынтәатәи аконференциа аҳәаақәа ирҭагӡаны, аглобалтә финанстә сектор алидерцәа, ашәахтәқәеи, зыхә дуу ақьаадқәеи, афинанстә аманшәалареи, афинанстә ацәгьаурақәа рыҿагылареи азҵаарақәа ирылацәажәоит.

Амилаҭтә банк ахада  апанельтә дискуссиа  – The View from the Top – аҿы ажәахәҟаҵаҩы хадас дҟалоит. Наҭиа Турнава аконференциа алахәылацәа ирзеиҭалҳәоит афинанстә инновациақәа рыдгылареи, арегионалтә усеицура иазку аинициативақәеи рхырхарҭала Қырҭтәыла Амилаҭтә банк иамоу аҧышәа иазкны.

Аконфренциа аҳәаақәа ирҭагӡаны, Қырҭтәыла Амилаҭтә банк ахадеи абанк аделегациа алахәылацәеи Франкфурттәи афондтә биржа иаҭаауеит, уаҟа, наҟ-наҟ аусеицура азҵаара иадҳәаланы,  Deutsche Borse Group ахаҭарнакцәа ирҧылоит.

Иара убас, аплан иарбоуп жәларбжьаратәи афинанстә институтқәеи, акоммерциатә банкқәеи, иреиҕьу аилахәырақәеи рхаҭарнакцәа рҟны аиҧыларақәа. Наҭиа Турнава  SWIFT-и, Murex-и, Nasdaq Calypso-и рнапхгаҩцәеи, Китаитәи атрансаҳәаатә абанкбжьаратә ашәаратә система (CIPS) ахадеи, Китаи Аргыларатә банк ахаҭарнакцәеи,  афинанстә џьармыкьақәеи аинфраструктуреи ахырхарҭала аҧхьагылара змоу иреиҕьу жәларбжьаратәи аилахәырақәа рхаҭарнакцәеи дырҧылоит.

Ари аинформациа аланарҵәеит Қырҭтәыла Амилаҭтә банк.