« 1917 шықәса хәажәкыра 25 рзы Ақырҭуа аиашахаҵаратә уахәама автокефалиа аиҭашьақәыргылара ақырҭуа милаҭ рзы  аҵакы ду аман, убри аҽны ҳуахәама ахатә хьыҧшымра архынҳәит, ари ахҭыс  ажәлари ауахәамеи еиднакылеит», — иҩит Қырҭтәыла ахада Михаил Ҟавелашвили асоциалтә аҳаҿы.

Иара ишиҳәаз ала, Ақырҭуа аиашахаҵаратә уахәама автокефалиа аиҭашьақәыргылара  — амилаҭ рыҧсҭазаараҿы ахадаратә ҵакы змоу хҭысуп.

«Иахьатәи амш ҳтәылеи ҳмилаҭи рҭоурыхаҿ аҵакы ҷыда амоуп. Иахьа Ақырҭуа аиашахаҵаратә уахәама автокефалиа аиҭашьақәыргылара мшуп!

Ари ахҭыс ҳуахәамазы зеиҧшҟамлац аҵакы амоуп, аха, рыцҳарас иҟалаз, сынтәа, ари арыцхә Қырҭтәыла Акаталикос-Патриарх Илиа Аҩбатәи  ида иазгәаҳҭоит.

1917 шықәса хәажәкыра 25 рзы Ақырҭуа аиашахаҵаратә уахәама автокефалиа аиҭашьақәыргылара ақырҭуа милаҭ рзы  аҵакы ду аман, убри аҽны ҳуахәама ахатә хьыҧшымра архынҳәит, ари ахҭыс  ажәлари ауахәамеи еиднакылеит. Ари ахҭыс даҽазнык ишьақәнарҕәҕәеит ақырҭуа жәлар рдинхаҵареи, ртрадициақәеи, рдоуҳатә принципқәеи ишрызгәыку.

Аҭынчреи, акзаареи, адоуҳатә аҕәҕәареи шәзеиҕьасшьоит. Ҳазшаз ҳтәылеи ҳуахәамеи ирҕәҕәааит, раҧсадгьыл амаҵ ауреи ҳтрадициақәа рыхьчареи ҳалшарц азыҳәан», — иҩит Ҟавелашвили.