«Адунеиаҿ аҭагылазаашьа ҭышәынтәалам, доусы рхатә стратегиатә интересқәа ирызхәыцуеит, убри аҟынтә, ҳтәыла аинтересқәа аҵыхәанӡа ихьчазароуп, уи аҵакы ду амоуп», — иҳәеит Қырҭтәыла ахада Михаил Ҟавелашвили апарламентаҿ данықәгылоз.

Иара ишазгәеиҭаз ала, Қырҭтәыла адәныҟатәи аполитика аҭынчреи ахьыҧшымреи рыхьчара иазкуп.

« Қырҭтәыла адәныҟатәи аполитика аҭынчреи ахьыҧшымреи рыхьчара иазкуп. Қырҭтәыла аҭынчратә политика иақәныҟәоит,   уи ҳтәыла мацараз акәымкәа,  арегион зегьы ашәарҭадара аиқәыршәаразы аҵакы ду амоуп.  Уажәтәи жәларбжьаратәи аҭагылазаашьа злаҟо ала, ҳара Қырҭтәыла жәларбжьаратәи апроектқәа рынагӡаразы ахадаратә ҳәынҭқаррас иҟаҳҵар ҳалшоит. Азиеи, Европеи, Ааигәатә Мрагылареи рекономикатә интеграциа ҳацхраар, Аахыҵ Кавказ астатус ҳарҕәҕәар ҳалшоит.  2025 шықәсазы аиҳабыра ари ахырхарҭала зҵакы дуу ашьаҿақәа ҟарҵеит. Иара убас, Шәамахьтәылеи, Азербаиџьани, Ҭырқәтәылеи имҩаҧызгаз авизитқәа иалыскаар сҭахуп, арҭ авизитқәагьы арегионаҿ аҭынчра арҕәҕәара иазкын.

Сербиаҟа свизит сазааҭгылар сҭахуп. Насгьы, уажәааны, Хорватиа ахада даҳҭааит, ҳара аиҩызаратә еизыҟазаашьақәа ҳабжьоуп.

Америка, ЕАР аҿы ивизит аҵакы ду аман. Ҳхықәкы хада ааҳарҧшырцаз ари аплатформагьы ҳхы иҳархәит  — Қырҭтәыла, асуверинитети, иаҳзеиҧшу аинтересқәеи, иаҳзеиҧшу ахырҳагареи ашьаҭала аусеицура иазыхиоуп», — иҳәеит Михаил Ҟавелашвили.