Қырҭтәыла ахада Михаил Ҟавелашвили Ҭырқәтәыла ахәаахәҭра аминистр  Омер Болат диҧылеит.

Атәыла ахада иадминистрациа адыррақәа рыла, аиҧылараҿы Михаил Ҟавелашвили иаҵшьны иазгәеиҭеит Қырҭтәыла 2 тәылак рпартниорра аҵакы ду шананашьо.

Михаила Ҟавелашвили иажәақәа рыла, Қырҭтәыла Ҭырқәтәыла иаҭабууп атәыла ахьыҧшымреи аҵакырадгьылтә акзаареи адгыларазы.

Атәыла ахада иадминистрациа иаланарҵәаз аинформациа ишану, аиҧылараҿы Қырҭәтылеи Ҭырқәтәылеи рыбжьара аинтенсивтә ахәаахәҭратә усеицура иалацәажәеит.

«Арегионалтәи астратегиатәи аҵакы змоу апроектқәа ҳтәылақәа рыбжьара иеффективу аусеицуреи игәрагоу апартниорреи аганахьала иҿырҧшыгоуп. Ҳекономикатә еизыҟазаашьақәа иаҳа рырҕәҕәара ҳалшап ҳәа сгәыҕуеит», — иҳәеит Қырҭтәыла ахада.

Аиҧылараҿы Михаил Ҟавелашвили ишазгәеиҭаз ала, Қырҭтәыла Аахыҵ Кавказ арегионаҿ аҭынчреи, аҭышәынтәалареи, агәреибагареи арҕәҕәара иазҿлымҳауп.