Леван Хабеишвили Амилаҭтә ҵысра аизараду аҿы апартиа ахантәаҩыс дшьақәдырҕәҕәеит
Леван Хабеишвили Амилаҭтә ҵысра аизараду аҿы апартиа ахантәаҩыс дшьақәдырҕәҕәеит

„Амилаҭтә ҵысра“ иахьатәи аизараду аҿы Леван Хабеишвили апартиа ахантәаҩыс дшьақәдырҕәҕәеит.

Леван Хабеишвили аизараду алахәылацәа рҿаҧхьа дықәгыланы, наҟ-наҟ имҩаҧгатәу ауснагӡатәқәа дрылацәажәеит.

Иара иажәақәа рыла, хара имгакәа арегионқәа рҿы  „Амилаҭтә ҵысра“ аофисқәа раартра иалагоит.

„Саакашвили ихақәиҭтәра аштаб еиҿаҳкаахьеит, уи анапхгара азиуеит Гьаргь Чалаӡе.   Хара имгакәа арегионқәа рҿы  „Амилаҭтә ҵысра“ аофисқәа раартра ҳалагоит. Қарҭ аконференциа мҩаҧаагоит, апартиа анапхгара алҳхуеит, аҿартә аиҿкаара ашьақәыргылара ҳалагоит, аҿартә аизараду мҩаҧаагоит, дара ихьыҧшым ақәыҧшылара рымазаауеит. Арегионалтә конференциақәа рымҩаҧгаразы аҽазыҟаҵара ҳалагоит. Ҳара аамҭа ҳамам“, – иҳәеит Леван Хабеишвили.

Леван Хабеишвили ишазгәеиҭаз ала, ажәлар апроблемақәа ахьрымоу, ауааҧсыра ииашамкәа иахьрызныҟәо, ацхыраара ахьырҭаххо зехьынџьара „Амилаҭтә ҵысра“ иҟазаауеит.

„Ажәа шәысҭоит, ахада Саакашвили доурыжьҭаанӡа, аҵыхәтәантәи аполитбаандаҩы абахҭа дҭыҵаанӡа, ҳтәыла амилаҭтә аҧеиҧш еиқәыршәахаанӡа, сааҧсараны сыҟам, сызҭынчхом, саангылараны сыҟам“, – иҳәеит Леван Хабеишвили.