Каха Куҷава  апарламент ахантәаҩы инапынҵақәа шьҭеиҵеит, уи ицынхәрас ари аҭыҧ ааникылоит  Шьалуа Папуашвили
Каха Куҷава  апарламент ахантәаҩы инапынҵақәа шьҭеиҵеит, уи ицынхәрас ари аҭыҧ ааникылоит  Шьалуа Папуашвили

Апарламент ахантәаҩы Каха Куҷава инапынҵақәа шьҭеиҵарц иӡбеит, — ари атәы ааицҳаит  «Ақырҭуа гәахәтәы» ахантәаҩы Иракли Кобахиӡе.

Иара иажәақәа рыла, Каха Куҷава ицынхәрас ари аҭыҧ ааникылоит Шьалуа  Папуашвили.

«Каха Куҷава инапынҵақәа шьҭеиҵарц иӡбеит. Ари аӡбара мзызс иамаз иара ихаҭа ишәеиҳәоит. Ҳполитикатә гәыҧ ахьӡала ҭабуп ҳәа иасҳәар сҭахуп апарламент ахантәаҩы иаҳасабала инаигӡаз аусуразы.

Ҳәарада, Каха Куҷава ҳполитикатә гәыҧ алидерцәа дреиуп. Иара зҵакы дуу аҳәынҭқарратә проект аус адулара далагоит, ҧыҭрамҭак ашьҭахь ари апроект иаҳа инарҭбааны ҳалацәажәоит.

Апартиа аполитхеилаки апарламенттә аиҳареи рыӡбарала, Қырҭтәыла апарламент ахантәаҩы иҭыҧ ааникылоит Шьалуа Папуашвили», — иҳәеит Иракли Кобахиӡе.