Италиа Адәныҟатәи аусқәа рминистрраҿы Қырҭтәылеи Италиеи рдәныҟатәи аусқәа рминистррақәа рыбжьара ҩ-ганктәи аполитикатә консультациақәа анеҩстәи араунд мҩаҧган.

Ақырҭуа аган аҟынтә аконсультациақәа дрылахәын адәныҟатәи аусқәа рминистр лхаҭыҧуаҩ Гьаргь Зурабишвили, италиатәи аган аҟынтә  – аминистр актәи ихаҭыҧуаҩ Едмондо Чириели.

Қырҭтәыла Адәныҟатәи аусқәа рминистрра аинформациа ишану ала, аиҧылараҿы аминистрцәа рхаҭыҧуаа ҩ-тәылак русеицура аусхәаҧштә иаҵанакәа зҵакы дуу азҵаарақәа ирыхәаҧшит. Ҷыдала иазааҭгылеит аполитикеи, аекономикеи, атәылахьчареи, ашәарҭадареи, аҵареи аусхкқәа рҿы аусеицура иаҳа арҭбаара азҵаара.

„Иара убас, аиҧылараҿы Қырҭтәыла евроатлантикатә интеграциеи ари ахырахарҭала атәыла имҩаҧнагаз аусуреи иазааҭгылеит. Аминистр ихаҭыҧуаҩ Едмонд Чириели даҽазнык ишьақәирҕәҕәеит Италиа аиҳабыра Қырҭтәыла евроатлантикатә интеграциа ишадгыло“, – иануп Адәныҟатәи аусқәа рминистрра аинформациаҿы.

Рим ивизит аҳәаақәа ирҭагӡаны, аминистр ихаҭыҧуаҩ, Италиа апарламент адәныҟатәи аусқәеи, атәылахьчареи, Евроеидгыла аполитикеи, афинансқәеи ркомитетқәа рхантәаҩцәа дырҧылеит.