«Қырҭтәыла Европеи Азиеи рымҩеихысырҭаҿ аҧсабаратә ацҳауп, уи есымша арегионалтә центрс ашьақәыргылара иаҿуп», — иҳәеит Қырҭтәыла аҧыза-министр Иракли Ҕарибашвили  «Қарҭтәи Абырфынтә мҩа афорум» аҿы данықәгылоз.

Аиҳабыра рнапхгаҩы иажәақәа рыла,  «Абжьаратә корридор» – атрадициатә амҩақәа ральтернатива аҳасабала,   Қырҭтәылаҿы ирласӡаны аҿиара иаҿуп.

«Акыр иаҧсоу аҩызцәа, Қырҭтәыла Европеи Азиеи рымҩеихысырҭаҿ аҧсабаратә ацҳауп, уи есымша арегионалтә центрс ашьақәыргылара иаҿуп.

Анапхгара ззызуа аиҳабыра аимадарақәа рырҕәҕәареи, иара убас, алҵшәа бзиа зхылҵша ахәаахәҭратә маршрутқәа раҧҵареи азыҳәан, аинфраструктура амодернизациа аҧара рацәа аларҵеит.

««Абжьаратә корридор» – атрадициатә амҩақәа ральтернатива аҳасабала,   Қырҭтәылаҿы ирласӡаны аҿиара иаҿуп.  Ҳара Мрагылара – Мраҭашәара атранспорттә маршрутаҿ зегьы реиҳа зыгәра угаша  авариантқәа ҳреиуп,  иара убас, аҧынгылақәа раҧыхреи аинфраструктуратә алшарақәа рырҕәҕәареи, иаку атарифтә политика ахархәареи  амзызла, азербаиџьантәи казахстантәи ҳколлегацәа рҟны активла аусеицура ҳаҿуп», — иҳәеит Қырҭтәыла аҧыза-министр.