Қырҭтәыла аҧыза-министр Иракли Ҕарибашвили казахстантәи иколлега Алихан Смаилов диҧылеит.

Аганқәа рхаҭарнакцәа Қырҭтәылеи Казахстани рыбжьара аиҩызаратәи апартниортәи еизыҟазаашьақәеи наҟ-наҟ аусеицура арҭбаара иазку апланқәеи ирылацәажәеит. Хшыҩзышьҭра азун ҩ-ганктәи, иара убас, аганрацәалатәи форматқәа рҿы аусеицура. Аиҧылараҿы ишазгәаҭаз ала, ҵыҧх, аҧыза-министр Иракли Ҕарибашвили Казахстан ивизит анеҩс, ҩ-тәылак русеицураҿы аетап ҿыц иалагеит.

Ҷыдала иазгәаҭан ахәаахәҭра-економикатә еизыҟазаашьақәа рхырхарҭала атәылақәа рыбжьара иҟоу адинамика бзиа. Иаҵшьны иазгәаҭан казахстантәи аинвестициақәеи атәылаҿы еиқәыршәоу иманшәалоу абизнеслагылазаареи. Аиҧылара алахәылацәа абарҭ ахырхарҭақәа рыла аусеицура иазааҭгылеит: аҵара, аҵарадырра, аспорт, акультура,  IT технологиақәа, атранспорт. Хшыҩзышьҭра азун  „Абжьаратә корридор” аҿиара аҵакы.

Иара убас, аганқәа рхаҭарнакцәа, аҵыхәтәантәи аамҭазы зыҩаӡара ҳараку авизитқәа рдинамика бзиа иазааҭгылеит. Ишазгәаҭаз ала, Казахстан аҧыза-министр визитла Қырҭтәыла дмааижьҭеи акрыҵуан.

Аҧыза-министр казахстантәи аган ҭабуп ҳәа реиҳәеит Қырҭтәыла ахьыҧшымреи аҵакырадгьылтә акзаареи адгыларазы. Ишазгәаҭаз ала, Қырҭтәыла аиҳабыра  аимакқәа аҭынчмҩала рҭыҧқәҵара аполитика иазгәыкуп. Аганқәа рхаҭарнакцәа Женеватәи жәларбжьаратәи аиҿцәажәарақәагьы ирылацәажәеит.