Қырҭтәыла аҧыза-министр Иракли Ҕарибашвили Израильтәи Кнессет ахантәаҩы  Мики Леви диҧылеит.

Аганқәа рхаҭарнакцәа ҩ-тәылак реизыҟазаашьақәа рҿы иҟоу адинамика бзиеи, еиуеиҧшым аусхкқәа рҿы қәҿиарла аусеицуреи иалацәажәеит, ҷыдала иазгәаҭан азакәанҧҵаратә органқәа рыбжьара аусеицура.

Иаҵшьны иазгәаҭан ҩ-ганклатәии аганрацәалатәи форматқәа рҿы апартниорра арҕәҕәара аҵаки, иара убас, ашәарҭадара аганахьала иҟоу аҳасабтәқәеи.

Аиҧылара алахәылацәа ишырҳәаз ала, наҟ-наҟ ҩ-ганктәи аимадарақәа рырҕәҕәаразы зҵакы дуу ашьаҭоуп  атәылақәа рыбжьара адипломатиатә еизыҟазаашьақәа рышьақәыргылара инаркны  30 шықәса аҵра, атәылақәа ари ахҭыс азгәарҭоит рашәара 1 азы.

Кнессет аҿы аиҧылара иалагаанӡа, аиҳабыра рнапхгаҩы иҭахаз афырхацәа рмемориал аҿы ашәҭқәа шьҭаҵаны, асас дахьқәа рышәҟәы аҟны анҵамҭа ҟаиҵеит.