Қырҭтәыла аҧыза-министр Иракли Ҕарибашвили Израиль  Кнессет аспикер Амир Охана диҧылеит.

Аҧыза-министр ипресс-маҵзура адыррала, аиҳабыра радминистрациаҿы имҩаҧгаз аиҧылараан, аганқәа рхаҭарнакцәа еиуеиҧшым аусхкқәа рҿы атәылақәа русеицура иаҵанакәа ахадаратә зҵаарақәа ирылацәажәеит.  Ари аганахьала иаҵшьны иазгәаҭан аҧыза-министр  Иракли Ҕарибашвили Израильтәи аҳәынҭқарраҿы қәҿиарала имҩаҧигаз авизит.

«Аҧыза-министр ишазгәеиҭаз ала, Қырҭтәыла аиҳабыра Израильтәи аҳәынҭқарраҟны аиҩызаратә, аҩ-ганк ирзыфеидоу аусеицура арҿиара азҵаара аҵакы ду анаршьоит.

Иракли Ҕарибашвили ишиҳәаз ала, иара Израили Қырҭтәылеи рзакәанҧҵаратә  органқәа рыбжьара аусеицура арҭбаара дазыразуп.

Аиҧылараҿы излацәажәаз азҵаарақәа иреиуп аекономика аусхкы аҿы атәылақәа русеицура, ари ахырхарҭала адинамика азҳара иаҿуп. Аганқәа рхаҭарнакцәа ишырҳәаз ала, ари ахырхарҭала уажәазы қәҿиарала имҩаҧысуа аусеицура иаҳа арҭбаара иазыхиоуп. Аҧыза-министр иажәақәа рыла, Қырҭтәылеи Израильтәи аҳәынҭқарреи рыбжьара зхы иақәиҭу ахәаахәҭра иазку аиқәшаҳаҭра аҩ-тәылак алшара ҿыцқәа рзаанартуеит», — иануп аҧыза-министр ипресс-маҵзура адырраҿы.