«Иаҳҳәап, Евроеидгыла астатус ҳаҭаразы мап акыр, уи зегьы реиҳа иақәгәырҕьода? Урыстәыла мацара», — иҳәеит Қырҭтәыла аҧыза-министр Иракли Ҕарибашвили Братислава имҩаҧысуа Аглобалтә шәарҭадара афорум  (GLOBSEC) аҿы данықәгылоз.

Иракли Ҕарибашвили ишазгәеиҭаз ала, астатус анашьара иаанагом атәыла Евроеидгыла алахәылас иҟалеит ҳәа.

«Ҳара Молдовеи,  Қырҭтәылеи,  Украинеи адемократиа қәыҧшқәа абҕа рыҭаара ҳацәымшәароуп.  Иаҳҳәап, Евроеидгыла астатус ҳаҭаразы мап акыр, уи зегьы реиҳа иақәгәырҕьода? Урыстәыла мацара. Дара егьырҭ атәылақәа ирарҳәои, ҳара, агәылара иҟоу атәылақәа иҳарҳәои. Ҳара авизадатә режим ҳаман, ассоциациа иазку аиқәшаҳаҭреи зхы иақәиҭу ахәаахәҭратә қәыҧшылара иазку аиқәшаҳаҭреи ҳаман, ҳара аҧхықәрақәа зегьы наҳагӡеит, Евроеидгыла аларазы азыҳәамҭа ҟаҳҵеит, нас, Евроеидгыла, иаалырҟьаны, акандидат асимволтә статус ҳаҭаразы мап акыр ииашома.  Ҳара европатәи ҳҩызцәа агәра дҳаргароуп атәылақәа рыхҧагьы акандидат астатус ранашьара шахәҭоу», — иҳәеит Иракли Ҕарибашвили.