«Ҳоппонентцәа рҟынтә иҳаҳахьеит ҳтәыла НАТО алалара иазыхиам ҳәа, уи абжьааҧнытә политикатә ҧырхагоуп, аҳәынҭқарра иаҧырхагоу хымҩаҧгашьоуп», — иҳәеит Қырҭтәыла Аҧыза-министр Иракли Ҕарибашвили апарламент апленартә аилатәараҿы адепутатцәа рызҵарақәа аҭак анриҭоз.

«Ҳтәыла атәылауаҩ, апарламент адепутат аргама дықәгыланы, ҳтәыла НАТО алалара иазыхиам ҳәа аниҳәо, уи сзеилкаауам. Авизатә режим алиберализациазы ауснагӡатәқәа рплан аус анадааулоз сгәалашәоит, ҳара лассы-лассы авизитқәа мҩаҧаагон.  Усҟан аоппонентцәа активла аҳәара ҟарҵон Қырҭтәыла авизадатә режим арымҭарц. Уи, иҵабыргны, аполитикатә ҧырхагоуп, аҳәынҭқарра иаҧырхагоу  хымҩаҧгашьоуп, аполитик, апарламент алахәыла абри аҩыза ахымҩаҧгашьа ихәҭам, сара уи сзеилкаауам. Рыжәлақәагьы шәасҳәоит. Давиҭ Бақраӡе, Канделаки.  Дара роуп Урыстәыла аполитика иаҟәныҟәо», — иҳәеит Иракли Ҕарибашвили.