Қырҭтәылеи Германтәылатәи афедеративтә республикеи рыбжьара еиуеиҧшым аусхкқәа рҿы қәҿиарала имҩаҧысуа аусеицуреи, евроинтеграциа апроцессаҿ Қырҭтәыла апрогресси, акандидат астатус аиуразы Еврокомиссиа 12 абжьагарақәа рынагӡара адинамикеи иалацәажәеит Қырҭтәыла аҧыза-министр Иракли Ҕарибашвилии Германтәылатәи афедеративтә республика адәныҟатәи аусқәа рминистр Анналена Бербоки реиҧылараҿы. 

Иракли Ҕарибашвили Анналена Бербок ҭабуп ҳәа леиҳәеит  евроинтеграциа апроцессаҿ Германтәылатәи афедеративтә республика Қырҭтәыла иазааанарҧшуа аполитикатәи апрактикатәи адгыларазы. Иара иаҵшьны иазгәеиҭеит евроинтеграциа апроцессаҿ Қырҭтәылеи Ассоциатә трио атәылақәеи мраҭашәаратә партниорцәа рҟынтә ирымоу адгылара аҵакы. 

Иара убас, аиҧылараҿы иаҵшьны иазгәаҭан атәылақәа рыбжьара иҟоу аполитикатә диалог аҩаӡара ҳаракы. Аҧыза-министр Германтәылатәи афедеративтә республика адәныҟатәи аусқәа рминистр ҭабуп ҳәа леиҳәеит Қырҭтәыла ахьыҧшымреи, аҵакырадгьылтә акзаареи, иара убас, евроинтеграциа апроцесси адгыларазы.  

Аиҳабыра рнапхгаҩы ишазгәеиҭаз ала, Германтәыла изныкымкәа ароль ду нанагӡахьеит Қырҭтәыла аинституциатәи асоциал-економикатәи трансформациа апроцессаҿ, иара убас, иара ишиҳәаз ала, Қырҭтәыла Евроеидгылазы  арегионаҿгьы уи анҭыҵгьы зыгәрагоу партниоруп, Қырҭтәыла наҟ-наҟгьы арегионаҿ аҭынчреи аҭышәынтәалареи аиқәырәшараҿы аконструктивтә роль нанагӡоит. 

Иракли Ҕарибашвилии Анналена Бербоки арегиони адунеи рҿы ашәарҭадара аҭагылазаашьеи апроблемақәеи ирзааҭгылеит.  Иаҵшьны иазгәаҭан Амшын еиқәа ашәарҭадара аиқәыршәараҿы Қырҭтәыла инанагӡо ароль ду.