Қырҭтәыла аҧыза-министр Иракли Ҕарибашвили ЕАР Жәларбжьаратәи амшынтә аиҿкаара  (IMO) амаӡаныҟәгаҩ хада  − Китак Лим диҧылеит. 

Аиҧылараҿы иаҵшьны иазгәаҭан Қырҭтәыла аиҳабыреи Жәларбжьаратәи амшынтә аиҿкаареи қәҿиарала русеицура ареформақәа рымҩаҧгара апроцесс аҿы.  

Аганқәа рхаҭарнакцәа, агеополитикатә ҭагылазаашьа иазҧхьагәаҭаны  Евразиа аконтинентаҿ атранспорттә аимадараа ацхраара аҵаки, ари аганахьала, атранзит-логистикатә центр аҳасабала Қырҭтәыла инанагӡо ароли иалацәажәеит. Аиҧылараҿы аҧыза-министр ишиҳәаз ала, Қырҭтәыла, ҭоурыхла, Европеи Азиеи еимыздо аҧсабаратә ацҳауп, ахатә стратегиатә ҭыҧ абзоурала, Қырҭтәыла, Абырфынтә мҩа аиҭашьақәыргылара аус аҿы алагала ду ҟанаҵар алшоит,   „Амаҟеи амҩеи аинициатива“ иаҵанакәа „Абжьаратә корридор“ ахархәарала.  

 Аиҳабыра рнапхгаҩы ишиҳәаз ала, абри ахықәкы анагӡаразы, анеҩстәи ашықәсқәа рзы ари аганахьала алшарақәа реизырҳара амзызла, атәыла, аинфраструктура амодернизациа аус  аҧара ду аланаҵоит. Аҧыза-министр ари аконтекстаҿ ҷыдала дазааҭгылеит „Қарҭтәи Абырфынтә мҩа афорум“, уи зыҩаӡара ҳараку аганрацәалатә диалог азы иаҧҵоу жәларбжьаратәи платформоуп.  

ЕАР Жәларбжьаратәи амшынтә аиҿкаара (IMO) амаӡаныҟәгаҩ хада − Китак Лим Қырҭтәыла даҭааит „Қарҭтәи Абырфынтә мҩа афорум” аҳәаақәа ирҭагӡаны.