Қырҭтәыла аҧыза-министр Иракли Ҕарибашвили, Бриуссель ивизит аҳәаақәа ирҭагӡаны,  Бельгиатәи аҳра ахаҭарнакратә палата ахада Елиан Тилие дылҧылеит.

Аганқәа рхаҭарнакцәа Қырҭтәылеи Бельгиатәи аҳреи рыбжьара еиуеиҧшым аусхкқәа рҿы аусеицура азҵаарақәа ирылацәажәан, апарламентбжьаратә еизыҟазаашьақәа рырҕәҕәара алшара иазааҭгылеит. Аиҧылараҿы иаҵшьны иазгәаҭан ҩ-тәылак рыбжьара  ҩ-ганктәии аганрацәалатәи форматқәа рҿы апартниорра ҕәҕәеи, иара убас, ахәаахәҭра-економикеи, аинвестициақәеи, атуризми, аҵарадырреи, аҵареи, акультуреи аусхкқәа рҿы аусеицура арҭбаара аперспективақәеи.

Аҧыза-министр Бельгиатәи аҳра ахаҭарнакратә палата ахада длацәажәеит Евроеидгылахь Қырҭтәыла алалара апроцесси Еврокомиссиа 12 абжьагарақәа рынагӡашьеи азы. Иракли Ҕарибашвили Қырҭтәыла европатәи аперспектива анашьара иазкыз аҭоурыхтә аӡбара дазааҭгылан, иаҵшьны иазгәеиҭеит атәыла акандидат астатус анашьара аҵакы.