««Аигәыларатә аҭынчратә инициатива»  иарбанызаалак даҽа форматк иаҧырхагам, уи еиҳангьы, ари аинициатиава иҳацхраауеит, агәра ганы сыҟоуп ҳара, ҳаидгыланы,  имаҷымкәа крызҵазкәа аусқәа шыҟаҳҵо», — иҳәеит Қырҭтәыла аҧыза-министр Иракли Ҕарибашвили  Азербаиџьан ахада Илҳам Алиеви иареи реиҧылара ашьҭахь имҩаҧгаз апресс-конференциаҿы.

«Иахьатәи ҳаиҧылара аҵакы ду аман. Ҳара апартниорра ҕәҕәеи ҳтәылақәа рыбжьара аусеицуреи иадҳәалоу азҵаарақәа рацәа ҳрылацәажәеит. Иара убас, адунеиаҿ иуадаҩу аҭагылазаашьеи уажәазы имҩаҧысуа апроцессқәеи ҳарзааҭгылеит.

Ҳәарада, арегионаҿ ҭагылазаашьагьы ҳалацәажәеит, Украина иҟоу аҭагылазаашьа аҭынчратә аиҿцәажәарақәа рыла аҭыҧ иқәҵатәуп, уи азы ҳҳәатәы еиқәшәоит.

Иара убас, иазгәасҭар сҭахуп арегионаҿгьы адунеиаҿгьы ирласӡаны зҽызыҧсахуа аҭагылазаашьеи уажәазы иҟоу апроблемақәеи рҭыҧқәҵаразы аҭынчреи аҭышәынтәалареи аҵакы ду ранашьоуп, уи ҳрегиони ҳажәларқәеи мышхәыбзазара рзаазгаша факторуп.

Иара убас,  ҳара,   аҭынчратә аиҿцәажәарақәа ралагара иазкны уажәааны Азербаиџьани Шәамахьтәылеи реиқәшаҳаҭхара ҳазааҭгылеит. ҳәарада, уи агәыҕра ду ҳнаҭоит.

Даҽазнык ишьақәсырҕәҕәар сҭахуп, Қырҭтәылеи, сареи, ҳаиҳабыреи  аргама ишааҳацҳауа  ҳазлагаз аҭынчратә политика адгылареи анагӡареи ҳшазыхиоу. Иара убас, иазгәасҭар сҭахуп зыӡбахәы ҳәоу  аҭынчратә инициатива иарбанызаалак  даҽа форматк ишаҧырхагам, уи еиҳангьы, ари аинициатива иҳацхраауеит, агәра ганы сыҟоуп ҳара, ҳаидгыланы, имаҷымкәа крызҵазкәа аусқәа шыҟаҳҵо», — иҳәеит Ҕарибашвили.