«Агәра ганы ҳаҟоуп Евроеидгыла Қырҭтәыла апрогресси агеополитикатә ҵаки азхаҵаны, ҳтәыла акандидат астатус анашьаны, аполитикатә аӡбара шаднакыло», — иҳәеит Қырҭтәыла аҧыза-министр Иракли Ҕарибашвили Қырҭтәыла иҟоу  Германтәыла ацҳаражәҳәарҭаҿ Германтәыла аидҵара амш инамаданы имҩаҧгаз аныҳәатә адкылараҿы данықәгылоз.

Иара иажәақәа рыла, ҵыҧх,  рашәарамзазы,  Қырҭтәыла европатәи аперспектива азхаҵара абзоурала,  Германтәылеи Евроеидгыла иалоу егьырҭ аҳәынҭқаррақәеи Қырҭтәылеи реизыҟазаашьақәа рҿы аетап ҿыц иалагеит.

«Азин сышәҭозар,  иаҵшьны иазгәасҭар сҭахуп,  Қырҭтәыла европатәи аҽазышәарақәеи,  ҳара иҟаҳҵаз европатәи алхреи Германтәыла аҟынтә иамоу адгылара ҕәҕәа иҳаракны ахә ҳшьоит.  Ҵыҧх,  рашәарамзазы,  Қырҭтәыла европатәи аперспектива азхаҵара абзоурала,  Германтәылеи Евроеидгыла иалоу егьырҭ аҳәынҭқаррақәеи Қырҭтәылеи реизыҟазаашьақәа рҿы аетап ҿыц иалагеит.  Убри аамҭа инаркны, Қырҭтәыла Евроеидгыла 12 абжьагарақәа рынагӡаразы активла аус ауеит. Ҳара агәра ганы ҳаҟоуп Евроеидгыла Қырҭтәыла апрогресси агеополитикатә аҵаки азхаҵаны, ҳтәыла акандидат астатус анашьаны, аполитикатә аӡбара шаднакыло.  Ари аӡбара Евроеидгылеи Қырҭтәылеи ҕәҕәала еиднаҳәалоит,  ари апроцессаҿ Германтәылантә адгылара ҕәҕәа ҳақәгәыҕуеит», — иҳәеит аҧыза-министр.