«Европарламент адеиукниавиченезациа азеиҕьхоит», — иҳәеит апарламент актәи авице-спикер  Гиа Вольски Европарламент адепутат  Раса Иукниавичене адеолигархизациа иазкны иҟалҵаз аҳәамҭа данахцәажәоз.

Ателееилахәырак аефираҿ Раса Иукниавичене илҳәеит: «Бриуссель ашьҭымҭа ҟанаҵеит аолигархизациа аҵыхәа ҧҵәатәуп ҳәа.  Сара ари апроцесс адебиӡинизациа ахьӡасҵеит. Рыцҳарас иҟалаз, анапхгаратә партиа ари ашьҭымҭа рзеилкаауам».

Гиа Вольски ишиҳәаз ала,  Раса Иукниавичене «Ақырҭуа гәахәтәы» иадгыло ауааҧсыра реиҳара  Мраҭашәара агәаҕ алыркуеит.

«Европарламент адеиукниавиченезациа азеиҕьхоит.  Раса Иукниавичене «Ақырҭуа гәахәтәы» иадгыло ауааҧсыра реиҳара  Мраҭашәара агәаҕ алыркуеит, избанзар ҳуааҧсыра реиҳара лҳәамҭа иақәшаҳаҭым.  Ажәлар реиҳара атәыла евроинтеграциа иадгылоит,  ари апроцесс аҿы  «Ақырҭуа гәахәтәы» алагала хада ҟанаҵоит.  Раса Иукниавичене,  Андриус Кубилиус, Михаил Саакашвили, Леван Хабеишвили,   ма  Губаз Саникиӡе ирҳәо акгьы аҵанакәам,  избанзар ирҳәо зегьы аҭак заҵәык ауп иауҭар иҟало. Қырҭтәыла акандидат астатус анашьара ахәҭоуп, избанзар, жәларбжьаратәи ареитингқәа инрықәырәшаны, ҳтәыла, апараметрқәа рацәа рыла арегион аҿы аҧхьагылара амоуп, Европарламент алахәылацәақәак ҳтәыла иаҳа еиҕьны иазныҟәароуп», — иҳәеит  Гиа Вольски.