Ҳуааҧсыра алхрақәа реиҿкаареи алхрақәа рылҵшәақәеи ирызкны  аинформациа иаша рымазароуп, уи аҵакы ду амоуп. Жәларбжьаратәи анаҧшратә миссиақәа зегьы заанаҵтәи реихшьаалақәа рҿы иаҵшьны иазгәаҭоуп  алхрақәа ибзиаӡаны, иҳаракӡоу аҩаӡараҟны ишеиҿкааз, – иҳәеит Алхратә комиссиа хада ахантәаҩы Гьаргь Каландаришвили.

Каландаришвили иажәақәа рыла, ахарадҵара аныҟоу, иашьашәалоу ашаҳаҭгақәагьы иҟазароуп.

„Алхрақәа рҧаршеира ҳалацәажәозар, ари ахарадҵара даараӡа ихьанҭоуп. Уи аамҭазы иашьашәалоу ашаҳаҭгақәа цәыргазароуп, афактқәа аарҧшызароуп, анеҩс, иашьашәалоу аорганқәа иашьашәалоу ашьаҿақәа ҟарҵоит. Иахьа абҵара  25 ауп, абжьыҭира анеҩс мызкы ҵит.  Алхрақәа рышьҭахь мышқәак анҵы, Алхратә комиссиа хада зыӡбахәы ҳәоу ахарадҵарақәа ирыдҳәаланы, ҳуааҧсыра аинформациа иаша рыҭара амзызла,   Қырҭтәыла апрокуратура иадҵаалт.  Хаҭала саргьы еиуеиҧшым аформақәа рыла  даараӡа исықәыҕәҕәон, уи алагьы иубарҭан дара зыӡбахәы ҳәоу ахарадҵарақәа ирыдҳәаланы изакәызаалак ашаҳаҭгак шрымамыз. Амедиагьы, ари аус иалахәы аганқәагьы алхыҩцәа ҳаҭыр рықәырҵароуп, ҳуааҧсыра пату рықәҵаны, цқьа иҭҵаау, изныкымкәа игәаҭоу аинформациа иаша рырҭароуп“, –  иҳәеит Каландаришвили.