Европарламент адәныҟатәи еизыҟазаашьақәа ркомитет Қырҭтәыла иазкны Свен Миксер есышықәсатәи иҳасабырба акомпромисстә ԥсахрақәа аднакылеит.

Аҳасабырба иадгылеит 47-ҩык европарламентарцәа, иаҿагылеит хәҩык, ҩыџьа рпозициақәа аадмырԥшит.

Апарламентарцәа ирыдыркылеит иацы ицәыргаз Аҳасабырба иалаз аԥсахрақәа иахьыԥхьагәаҭаз авариант. Иахьатәи авариант аҿы Биӡина Иванишвили иганахьала исанкциақәа рыдкылара аӡбахә аҳәом. Ари ада, аҳасабырба ари авариант аҿы акандидат статус аиуразы  Михаил Саакашвили ихы дақәиҭтәуп ҳәа ианым.

Аԥсахрақәа иалалаз авариант аҿы ишану ала, “аполиаризациа Қырҭтәыла аполитикатә ҭагылазаашьаҿ ароль хада нанагӡоит, аԥсахрақәа иалалаз Аҳасабырба авариант аҿы аполитикатә ганқәа зегь рахь ааԥхьара ҟаҵоуп агрессиатә, аиҟәыҭхаратә риторика иаҟәыҵырц, Қырҭтәыла Евроеидгыла алалара апроцесс акгьы иаԥырхагамхарц азы амбициатә адемократиатә, аӡбарҭатә, антикоррупциатә реформақәа мҩаԥыргарц, аполитикатәи аинституциатәи ахәмарҩцәеи ақырҭуа ажәлари рыбжьара  агәрагара шьақәдыргыларц. Аҳасабырба ишану ала, Евроеидгыла абжьаҟазарала 2021 шықәса мшаԥы 19 рзы ирыбжьарҵаз аиқәшаҳаҭра ашьаҭатәи ҭагылазаашьқәа зегьы адемократиеи закәан аиҳаӡареи рырӷәӷәареи аполиаризациа армаҷреи ирыдгылоит“.

Адеолигархизациа азҵаара иадҳәаланы аҳасабырбаҿ иануп “аекономикатәи, аполитикатәи, ауаажәларратә ԥсҭазаараҿ хазхаҭалатәи аинтересқәа рнырра аҭыԥ амамзароуп, акомиссиа арекомендциа ҟанаҵоит астатус аиуранӡа ари азҵаара рыӡбарц, хазхаҭалатәи аинтересқәа, ҷыдала ԥасатәи аԥыза-министр Биӡина Иванишвили иинтересқәа атәылаҿ имоу анырра ду аанкылазарц“.