Европарламент Қырҭтәыла иазку арезолиуциа аднакылеит. Арезолиуциа хьӡыс иамоуп  «Елене Хоштариеи „Ақырҭуа гәахәтәы“ арежим аполитбаандаҩцәеи русқәа». Арезолиуциа иадгылеит  438ҩык адепутатцәа, иаҿагылеит 37ҩык, рҽааныркылеит  81ҩык.

Арезолиуциа ишану ала, Европарламент «аполитикатә ашьаҭала Елене Хоштариеи ажәа ахақәиаҭра иазықәҧо егьырҭ ахаҿқәеи раанкылара ҕәҕәара иақәыӡбоит. Иара убас, Ақырҭуа гәахәтәы арежим ала аполитикатә оппонентцәа рзы ашьауҕатә ашьҭацаларагьы ҕәҕәала иақәыӡбоит».

 Европарламент  «Елене Хоштариеи аполитикатә ашьаҭала иаанкылоу егьырҭ ауааҧсыреи зыҧшра ҟамҵакәа рхақәиҭтәра иаҳәоит».

Иара убас, Европарламент алахәылацәа даараӡа иаргәамҵуеит Қырҭтәыла ҧасатәи ахада Михаил Саакашвили ибаандаҩтәреи игәабзиара аҭагылазаашьа ацәгьахареи. Адокумент ишану ала, «иара ҧшьышықәса еиҳаны  аолигарх Биӡина Иванишвили иполитикатә атҟәараҿы дыҟоуп».

Европарламент ааҧхьара ҟанаҵоит  «адемонстрантцәа рганахьала ахимиатә маҭәашьарқәа рхархәара иадҳәаланы аларҵәара зауз аинформациа шьаҭанкыла, иаартны иҭырҵаарц. Адокумент ишану ала,  «Европарламент адепутатцәа ргәынамӡара  аадырҧшуеит Қырҭтәылаҿ Урыстәылеи, Китаии, Ирани рнырра азҳара иадҳәаланы, уи шьақәырҕәҕәоуп иакымкәа аҭҵаарақәа рыла».