«Қырҭтәыла иазку ажәахә  —  ирҧхашьагоуп, Евроеидгылазы иҧхашьагоуп. Ари ажәахә, ахатә аҵакыла иевропатәым, адемократиатәым, аҳаҭырқәҵара агуп», — иҳәеит венгриатәи евродепутат   Ласло Қырҭтәыла азҵааразы Европарламентаҿ имҩаҧгаз адебатқәа раан.

Ласло иҳәамҭала, Европарламент иара ахаҭа Қырҭтәыла адәныҟатәи политикатә ҳәаақәнаҵар аҭахуп, Қырҭтәыла апартниор аҳасабала акәымкәа, аколониа еиҧш иахәаҧшуеит.

Иара ишазгәеиҭаз ала, асанкциақәа ракәымкәа, адиалог ауп иаҭаху.

«Лабҿаба иубарҭоауп Евроеидгыла алахәылацәа реиҳара амарионеттә аиҳабыра рымазар шырҭаху. Уи ҟалаанӡа, Евроеидгылеи Қырҭтәылеи реизыҟазаашьақәа дырцәгьар рҭахуп. Абри ауп шәажәахә зызку. Моментқәак сырзааҭгылар сҭахуп.

Европарламент ақырҭуаа ирыдырҵар рҭахуп аиҳабырас иқәдыргылаша, аҿыц алхрақәа рымҩаҧгара иаҳәоит; Евроеидгыла ақырҭуаа иддырҵар рҭахуп арҭ алхрақәа мҩаҧызгаша, ишымҩаҧыргаша. Евроеидгыла ақырҭуаа иднарҵоит ақырҭуа жәлар ргәазыҳәара зеиҧшроу. Европарламент иҳәаақәнаҵар аҭахуп Қырҭтәыла атәылауаҩратә уаажәларра иаҵанакәа, шәара шгәаанагарала урҭ  —  USAID ала Баиден иадминистрациа рҟынтә аҧара зауаз роуп. Уажәы, Трамп иадминистрациа  аҧара рзоушьҭра ианаҟәыҵ, дара Евроеидгыла ахылаҧшра аҵаҟа иаанхар шәҭахуп.

Европарламент иара ахаҭа Қырҭтәыла адәныҟатәи политика ҳәаақәнаҵар аҭахуп, Қырҭтәыла апартниор аҳасабала акәымкәа, аколониа еиҧш иахәаҧшуеит.

Асанкциақәа ракәымкәа, Қырҭтәыла асуверинитет ҳаҭыр ақәҵаны, ари атәыла агеополитикатә ҭыҧи иаҳзеиҧшу аинтересқәеи иазҧхьагәаҭаны, гәаартыла  адиалог мҩаҧгатәуп», — иҳәеит  Ласло.