Бриуссель Евроеидгыла адәныҟатәи усқәа рминистрцәа рхеилак аилатәара мҩаԥысуеит.

Адәныҟатәи аусқәа русҳәарҭақәа рхаҭарнакцәа реиԥылараҿ “Ачарыц иазку аиқәшаҳаҭра” аҟынтә Урыстәыла алҵреи Ҭырқәтәыла Евроеидгыла алалареи рызҵаара иахәаԥшуеит.

Аиҿцәажәарақәа анахарала ихы алаирхуеит Украина Адәныҟатәи аусқәа рминистр Дмитро Кулеба. Иахьа, шьыбжьышьҭахь аилатәара алахәылацәа авидеоконцеренциа аформат аҿы́ ЕАш аҳәынҭаӡаныҟәгаҩ Ентони Блинкен дырԥылоит.

Евроеидгыла иреиҳаӡоу ахаҭарнак Жозеф Боррель аиԥылара аҵакы дахцәажәан, Урыстәыла ачарыц аҵәахырҭақәа рнырҵәара шалагаз иазгәеиҭеит. Ари адунеи аҿы акризис ду ахылҿиаар ҟалоит, – иҳәеит Боррель.

Иара бас, аихқәа рдыррақәа рыла, Евроеидгыла апланқәа ирылоуп Украина ацхырааразы афонд ҷыда ашьаҭаркра, ари аӡбара иабзоураны ԥшьышықәса ирылагӡаны Украина 20 миллиард евро иаԥсоу арратә цхыраара аиура алшоит. Жозеф Боррель агәраигоит ари аԥшьгара адгылара шаиуа.