Қырҭтәыла Аҧыза-министр Иракли Ҕарибашвили Румынтәала адәныҟатәи аусқәа рминистр  Богдан Аурескуи,  Литва адәныҟатәи аусқәа рминистр  Габриелиус  Ландсбергиси, Австриа адәныҟатәи аусқәа рминистр Алеқсандр Шалленберги дырҧылеит.

Аҧыза-министр х-тәылак рдәныҟаполитикатә усбарҭақәа рнапхгаҩцәа Қырҭтәыла рвизит азы ҭабуп ҳәа реиҳәеит. Аминистрцәа Қырҭтәыла иаҭааит Fахыҵ Кавказ аҿы ртурне аҳәаақәа ирҭагӡаны, Еврокомиссиа авице-ахада, Евроеидгыла Иреиҳаӡоу ахаҭарнак Жозеф Боррел идҵала. Иракли Ҕарибашвили ишиҳәаз ала,  Мрагыларатә партниорра аҳәаақәа ирҭагӡаны аминистрцәа имҩаҧырго амиссиа  арегион аҿы аҭыҧ иқәҵам аимакқәа рҭыҧқәҵаразы адырга ҕәҕәоуп, уи   лабҿаба аанарҧшуеит Евроеидгыла Аахыҵ Кавказ атәылақәа рҿы аҭынчреи ашәарҭадареи ишацхраауа.

Аиҧылараҿы иаҵшьны иазгәаҭан Америка активтә алахәызаареи Қырҭтәыла Аҧыза-министр ибжьацәажәареи ала Шәамахьтәылеи Азербаиџьани реиқәшаҳаҭхара. Аганқәа рхаҭарнакцәа даҽазнык иазгәарҭеит арегион аҿы аимакқәа аҭынчмҩала рҭыҧқәҵара аҵакы.

Австриеи, Румынтәылеи,  Литвеи рдәныҟатәи аусқәа рминистрцәа  Қырҭтәыла Аҧыза-министр ҭабуп ҳәа иарҳәеит Шәамахьтәылеи Азербаиџьани рыбжьара қәҿиарала абжьацәажәаразы, уи абзоурала, Шәамахьтәыла 15ҩык атәылауаа   рхы иақәиҭуп,  насгьы, азербаиџьантәи аган ирыҭан аминақәа зҵаз аҵакырадгьылқәа ирызку крызҵазкәа адокументқәа.

Евроеидгыла х-тәылак рминистрцәа данрацәажәоз, Аҧыза-министр закәандарала иаанкылоу Қырҭтәыла атәылауаа  — Заза  Гахелаӡеи Иракли Бебуеи зыҧшра ҟамҵакәа рхақәиҭтәра ахымҧадареи абри апроцесс аҿы жәларбжьаратәи апартниорцәа рылахәызаара аҵаки дазааҭгылеит.

Иара убас, аиҧылараҿы хшыҩзышьҭра азун атәыла адеокупациеи аҭынчмҩала аимак аҭыҧқәҵареи иазку Қырҭтәыла аиҳабыра рстратегиа.