«Ҳара иҳадаҳкыло аҧсахрақәа инрықәыршәаны, атәымтәылауаа  Қырҭтәыла аусура алагара иаҳа ирцәыуадаҩхоит.  Иаҳҳәап,  ҧаса атәымтәылауаа Қырҭтәыла аусура иалагарц азыҳәан азин рҭахымызт, аха, уажәшьҭа,  аусура иалагарц азыҳәан, Агәабзиарахьчара аминистрра аҟынтә азин роуроуп», — иҳәеит апартиа «Ақырҭуа гәахәтәы» анагӡаратә маӡаныҟәгаҩ  Мамука Мдинараӡе.

«Иахьатәи аилатәараҿы зҵакы дуу темақәак ҳрылацәажәеит. Урҭ иреиуп амиграциа атема, араҟа 3 хырхарҭак рыла  аиҭакрақәа ҳамоуп. Актәи — ҳазну амчыбжь азы ахҧатәи аҧхьарала иҳадаҳкыло азакәан инақәыршәаны, закәандарала Қырҭтәыла иҟоу атәымтәылауаа рдепортациа апроцедура иаҳа имариахоит.  Аҩбатәи азҵаара аџьаустә миграциа иазкуп. Ҳара иҳадаҳкыло аҧсахрақәа инрықәыршәаны, атәымтәылауаа  Қырҭтәыла аусура алагара иаҳа ирцәыуадаҩхоит.  Иаҳҳәап,  ҧаса атәымтәылауаа Қырҭтәыла аусура иалагарц азыҳәан азин рҭахымызт, аха, уажәшьҭа,  аусура иалагарц азыҳәан, Агәабзиарахьчара аминистрра аҟынтә азин роуроуп.   Агәабзиарахьчара аминистрра, иарбанзаалак азанааҭ атәылаҿы иахьынӡаҳҭаху еилкааны,  аӡбара аднакылоит.  Ганкахьала, уи абзоурала, аусурҭа аҧшаара иаҳа имариахоит, егьи аганахьала  — аџьармыкьаҿ иҟоу апроблемақәа раарҧшраҿы иҳацхраауеит. Ауаа ахьмаҷу аусхкқәа рҿы, аҳәынҭқарра, аиҭазыҟаҵара аҭагылазаашьақәа ҳәаақәнаҵоит», — иҳәеит  Мдинараӡе.

Иара иажәақәа рыла, азакәан еилазгаз атәымтәылауаҩ  ахараҧса ашәара иқәшәоит, иара убас,  аусурҭа изҭаз ахаҿгьы ахараҧса иқәырҵоит.

.