Иахьа ирыдыркылаз арезолиуциа иаҭакны, иаҳҳәар ҳҭахуп  „Диҧ сҭеиҭ“ Евроеидгыла ишықәнахуа, ма Евроеидгыла уи анырра аҽацәыхьчара алшароуп,  – иануп  „Ақырҭуа гәахәтәы“ аполитхеилак аҳәамҭаҿы.

Уаҟа ишазгәаҭоу ала,  иахьа Европарламент ҭакҧхықәрала азнеира ҟалом.

„Иахьа Европарламент,  Қырҭтәылеи ақырҭуа жәлар иалырхыз аиҳабыреи ирҿагыланы ирыдыркылаз арезолиуциа ҳахцәажәар ҳҭахуп.

2023 шықәса хәажәкыра  26 рзы,  Америка наҟ-наҟтәи ахада Дональд Трамп,  иалхыҩцәа данырҧылоз,  иҳәеит: „Уи ахадаратә ҵакы змоу ақәҧароуп. Ма  „Диҧ Сҭеиҭ“ Америка иқәнахуеит,  ма ҳара  „Диҧ сҭеиҭ“ иқәаҳхроуп“.

Ахадас даналырх ашьҭахь,  Дональд Трамп,  активла ақәҧара далагеит,  ҳара  „Диҧ сҭеиҭ“ ақәхра аус аҿы ақәҿиарақәа изеиҕьаҳшьоит.

Иахьатәи арезолиуциа иадҳәаланы иаҳҳәар ҳҭахуп – „Диҧ сҭеиҭ“ Евроеидгыла иқәнахуеит, ма Евроеидгыла уи анырра аҽацәыхьчара алшароуп.

Ахада Трамп  „Диҧ сҭеиҭ“ аҿагылараҿы ақәҿиарақәа шизеиҕьаҳшьо еиҧшҵәҟьа, Европагьы иазеиҕьаҳшьоит  „Диҧ сҭеиҭ“ анырра цәгьа аҽацәыхьчара алшарц. Ари ақәҧараҿы ҳара европатәи апатриотцәа ҳрыдгылоит.

Иара убас, ҳуааҧсыра иргәалаҳаршәар ҳҭахуп иацы Венгриа аҧыза-министр Виктор Орбан ииҳәаз: „Европатәи аинститутқәа ҭакҧхықәрала рызнеира ҟалом“.

Ҳгәы ишаанаго ала, Европарламент ҭакҧхықәрала азнеира ҟалом“, – иануп „Ақырҭуа гәахәтәы“ аполитхеилак аҳәамҭаҿы.