Апрограмма «Абизнес азы 100 аинвестициатә ажәалагалақәа» аҳәаақәа ирҭагӡаны, ҳазну амчыбжь азы даҽа аукционк мҩаҧысуеит
Апрограмма «Абизнес азы 100 аинвестициатә ажәалагалақәа» аҳәаақәа ирҭагӡаны, ҳазну амчыбжь азы даҽа аукционк мҩаҧысуеит

Апрограмма «Абизнес азы 100 аинвестициатә ажәалагалақәа» аҳәаақәа ирҭагӡаны, ҳазну амчыбжь азы даҽа аукционк мҩаҧысуеит, уаҟа ицәыргазаауеит 150 раҟара алотқәа, аинтерес зҵоу ҧасатәи, иара убас, аҿыци аобиектқәа, — аиҳабыра реилатәара ашьҭахь ари атәы аалыцҳаит аекономикеи иҭышәынтәалоу аҿиареи азы аминистр Наҭиа Турнава.

Аминистр лажәақәа рыла, ирласу априватизациа абзоурала, абиуџьет ахашәала аиуеит, ари аҧарала зымҽхак дуу апрограммақәа нарыгӡоит.

Наҭиа Турнава ишылҳәаз ала, аҳәынҭқарратә биуџьет аҿы иҟоу аҧара аиҳара апандемиа амшала атәылаҿы иҟоу асоциалтә программақәа ирыларҵоит, хазхаҭалатәи асектор ароль ду нанагӡароуп аекономика аиҭашьақәыргылареи аҿиареи аҿы.

«Убри азоуп ҳара  излауа ала априватизациа апроцесс зҳарласуа. Аҧыза-министр иинициативала, аукцион ашҟа ицәыргазаауеит  аҳәынҭқарра иатәу 150 обиектқәа. Раҧхьатәи аукцион қәҿиарала ишымҩаҧгаз жәдыруеит.  41 миллион лари иаҧсаз апакет наӡа  60 миллион ҳәа иҭиин. Усҟан  250 иреиҳаны алотқәа иҟан. Ҳазну амчыбжь азы даҽа аукционк мҩаҧаагоит. Уаҟа ицәыргазаауеит  аинтерес зҵоу ҧасатәи, иара убас, аҿыц обиектқәа», — илҳәеит Наҭиа Турнава.