Амшынтә транспорт агентра  адыррақәа рыла,  Ҧуҭтәи абаҕәазаҿ асанкциақәа ззышьақәыргылоу аҕба гылоушәа аларҵәара зауз аинформациа ииашам.

Агентраҿы ишырҳәаз ала, ақырҭуа абаҕәазақәа рахь аҕбақәа рҭалара апроцесс ахылаҧшра ҕәҕәа аҵаҟа иҟоуп, ари апроцесс мҩаҧысуеит жәларбжьаратәи азини амилаҭтә закәанҧҵареи инрықәыршәаны.

«Ҧуҭтәи абаҕәазаҿ асанкциақәа ззышьақәыргылоу аҕба гылоушәа аларҵәара зауз аинформациа ииашам.  Уажәазы Ҧуҭтәи абаҕәазаҿ игылоу атанкер  Olga, –  The American Club (USA) — American Steamship Owners Mutual Protection & Indemnity Association аҧгаҧса амоуп, уи Евроеидгыла ма Америка асанкциақәа азышьақәыргылам. Урыстәылатәи абираҟ аҵаҟа иӡысуа аҕба Шәамахьтәылазы адизель аанагеит. Ари аоперациа мҩаҧысуеит Қырҭтәыла азакәанҧҵареи, жәларбжьаратәи амшынтә аҧҟарақәеи, уажәтәи асанкциатә режимқәеи ирышьашәаланы».