Амиграциазы адепартамент аусзуҩцәа 12ҩык атәымуаа ааныркылеит

11:11, 12.09.2025

Азакәандаратә миграциа иаҿагыло ақәҧара аҳәаақәа ирҭагӡаны, Аҩныҵҟатәи аусқәа рминистрра Амиграциазы адепартамент аусзуҩцәа аусмҩаҧгатә ҷыда мҩаҧыргеит. Ари аинформациа аланарҵәеит Аҩныҵҟатәи аусқәа рминистрра.

Аминистрра адыррақәа рыла, аусмҩаҧгатә аан, азакәантә ашьаҭада Қырҭтәыла иҟоу атәымуаа иахьыҟоу ҭыҧқәак гәарҭеит.

«Акомплекстә усмҩаҧгатәқәа раан 12ҩык атәымуаа аанкылан. Урҭ иреиуп Иорданиеи, Индиеи, Непали, Бангладеши ртәылауаа. Дара «Атәымуааи атәылауаҩра змам ауааҧсыреи рзинтә ҭагылазаашьа иазку» Қырҭтәыла азакәан еиларгеит.

Уажәазы зыӡбахәы ҳәоу ауааҧсыра Амиграциазы адепартамент аамҭалатәи анырхара ацентраҿ иҟоуп. Атәылантә ралцаразы иашьашәалоу апроцедурақәа мҩаҧысуеит», — иануп Аҩныҵҟатәи аусқәа рминистрра аҳәамҭаҿы.

АЗИН

Амиграциазы адепартамент