«Қырҭтәылеи, Шәамахьтәылеи, Азербаиџьани Асоветтә Еидгылантә рхақәиҭтәра арҭ атәылақәа рхьыҧшымреи рхатә адәныҟаполитикатә интересқәа рымҩаҧгареи еиқәнаршәеит», —  иҳәеит Америка Аҳәынҭқарратә департамент  апресс-спикер ихаҭыҧуаҩ  Ведант Патель  ашәамахь-азербаџьантәи еизыҟазаашьақәа данрылацәажәоз.

Иара иажәақәа рыла,  Еревани Бақәеи рыбжьара ишиашоу адиалог арегионаҿ кыраамҭалатәи аҭынчра еиқәнаршәоит, убри аҟынтә, Америка аганқәа ирыбжьанагоит иарбанызаалак аформатаҿ еиҧыларц.

«Ҳара аганқәа рлидерцәа ирыбжьаагоит дара ирзыманшәалоу иарбанызаалак аформатаҿ еиҧыларц.  Кыраамҭалатәи аҭынчра аиқәыршәаразы ишиашо адиалог аҵакы ду амоуп ҳәа ҳгәы иаанагоит.  Америка Аахыҵ Кавказ атәылақәа рыхҧагьы рхьыҧшымреи рҵакырадгьылтә акзаареи ҕәҕәала иадгылоит. Қырҭтәылеи, Шәамахьтәылеи, Азербаиџьани Асоветтә Еидгылантә рхақәиҭтәра арҭ атәылақәа рхьыҧшымреи рхатә адәныҟаполитикатә интересқәа рымҩаҧгареи еиқәнаршәеит», — иҳәеит  Патель.