Аҧыза-министр инапхгарала акоронавирус иадҳәаланы аус зуа Аусбарҭабжьаратә координациатә хеилак анеҩстәи аилатәара мҩаҧысит.

Ахеилак аилатәараҿы Аҧыза-министр, Қырҭтәыла акоронавирус змоу 15ҩык апациентцәа рҭагылазаашьеи адунеи аҿы азеиҧш епидемиологиатә ҭагылазаашьеи иазку аинформациа дазыӡырҩит. Аилатәараҿы ишазгәаҭаз ала, аинфекциа змоу апациентцәа реиҳара рҭагылазаашьа ишәарҭам, ихьанҭахаз апациентцәагьы рҭагылазаашьа иҭышәынтәалоуп, дара иашьашәалоу ахәышәтәратә курс иахысуеит.

Акоординациатә хеилак аилатәараҿы ишазгәаҭаз ала, уажәазы акарантин аҿы иҟоуп 141ҩык ауааҧсыра, астационар аҿы 51ҩык ишьҭоуп.

Иахьа ахеилак алахәылацәа атәылаҿы акоронавирус аларҵәара апревенциатә уснагӡатәқәа рҳәаақәа ирҭагӡаны, аҿыц аӡбарақәа рыдыркылеит:

• аҳәынҭқарратә усбарҭақәа абжьагара ҕәҕәа рыҭоуп зда ҧсыхәа иҟам аҭагылазаашьақәа рыда, аҳәаанырцә амаҵзуратә ныҟәарақәа ааныркыларц. Ари абжьагара аҵаратә визитқәагьы ирыдкьыслоит, аҵаратә усбарҭақәа зегьы ари аинформациа роуеит аҵареи, аҵарадырреи, акультуреи, аспорти рминистрра аҟынтә.

Иара убас, адәныҟатәи аусқәа рминистрра ахаҭарнакцәа Аусбарҭабжьаратә координациатә хеилак алахәылацәа аинформациа рызцәырыргеит Италиа иҟоу Қырҭтәыла атәылауаа рыҧсадгьылахь рырхынҳәра апроцесс иазкны. Италиа иҟоу Қырҭтәыла ацҳаражәҳәараҿы уахи-ҽни аус ауеит ацәаҳәа шы. Ацҳаражәҳәара иадҵаалеит анеҩстәи ҩымчыжь рыҩнуҵҟа Италиантә Қырҭтәылаҟа ахынҳәразы авиабилетқәа аазхәахьаз  ауааҧсыра. Урҭ ррегистрациа ихыркәшоуп. Қырҭтәыла адипломатиатә хаҭарнакра Италиа еиуеиҧшым ақалақьқәа рҿы иҟоу ацәаҳәа ши ацҳаражәҳәара ала иарбоу онлаин платформеи рҿы арегистрациа иахысыз Қырҭтәыла атәылауаа Римҟа рымҩангара еиқәнаршәоит, нас, дара Римынтә, аҧсадгьылахь идырхынҳәуеит.

Иара убас, Аусбарҭабжьаратә координациатә хеилак, акрантинтә аамҭа иалагӡаны аҽыҧхьакраҿы аҟазаара иадҳәаланы агәабзиарахьчара аминистрра аҟынтә абжьагара зауз атәылауаа даҽазнык  ирыбжьанагоит  асоциалтә ҭакҧхықәра ду аарҧшны, агәабзиарахьчара аминистрра абжьагара инақәыршәаны, рҭаацәарақәа рылахәылацәеи ауаажәлари ашәарҭа иҭадмыргыларцаз,  аҽыҧхьакра апҟарақәа зегьы рыхьчарц.

Аусбарҭабжьаратә координациатә хеилак, еиқәшаҳаҭны ауснагӡатәқәа рымҩаҧгара амзызла, Аҧыза-министр инапхгарала, еиҧҟьарада аилатәарақәа рымҩаҧгара нанагӡоит.

Иахьатәи аилатәараҿы даҽазнык иазгәаҭан атәыла аиҳабыра ари апроцесс ишахылаҧшуа.