Аҳәынҭқарратә шәарҭадаратә маҵзура Аконтртеррористтә центр имҩаԥнагаз аоперативтә-усԥшааратә уснагӡатәқәа раан иҷыду артҟәацгақәеи аԥжәаратә маҭәашьарқәеи рацәаны рыԥшааит, – аарыцҳаит Аҳәынҭқарратә шәарҭадаратә маҵзураҿ имҩаԥгаз абрифинг аҿы.

Аусҳәарҭа аинформациала, аоперативтә дырра шьаҭас змаз аусԥшаара аҳәаақәа ирҭанӡаны, Аконтртеррористтә центр аузуҩцәа иконкрету автотранспорттә хархәага аимдараан ирыԥшааит аелектромашьына иатәыза ҩаккумулиаторк. Аҳәынҭқарратә шәарҭадаратә маҵзура аҟынтә ишаарыцҳаз, ацәгьуоцәа аккумулиаторқәа рхы иадырхәон аконтеинер аҳасабла.

„Артҟәацгақәа апластикатә аԥжәаратә маҭәашьар С-4 иалан, уи артҟәацра ҟалоит аелектро детонатори иҷыдоу атаимери рыла. Аԥжәаратә маҭәашьар 14 кг икапануан. Аконтеинерқәа ирҭан 6 детонаторки иҷыдоу ацаԥхақәеи“, – аарыцҳаит Аҳәынҭқарратә шәарҭадаратә маҵзура аҟынтә.

Аҳәынҭқарратә шәарҭадаратә маҵзура аинформациала, артҟәацгақәа Қырҭтәыла аагареи, аиагареи, контеинерк Урыстәылатәи Афедерациа ахырхарҭала атранзиттә аиагареи, Қырҭтәыла аҳҭнықалақь аҿы аҵәахреи бжьҩык Қырҭтәыла атәылауааи, хҩык Украина атәылауааи, Шәамахьтёылаҩыџьа атәылауаа ирхылаԥшуан. Аус иазку аматериалқәа рҿы ишану ала, апроцесс дахылаԥшуан Украина атәылауаҩ, 2020 шықәсаз Одессатәи аобласт аҭыԥантәи Рада Киевтәи араион аҟынтә адепутатрахь апартиа “Жәлар рмаҵзуҩы” акандидат Андреи Шарашиӡе.