Атәыла иаҭааз Урыстәылатәи афедерациеи, Беларуси егьырҭ атәылақәа ртәылауаа атәыла ашәарҭадаразы  ишәарҭа аазырԥшуа хымҩаԥгашьа иубарҭам, – аарыцҳаит Аҳәынҭқарратә шәарҭадаратә маҵзура аҟынтә.

Аҳәынҭқарратә шәарҭадаратә маҵзура аинформациала,  атәылаҿ ашәарҭадаратә ҭагылазаашьа иахылапшуеит.

“Аҵыхәтәантәи амшқәа рзы Қырҭтәыла атәым тәылауаа, ҷыдала Урыстәылатәи афедерациеи, Беларуси егьырҭ атәылақәа ртәылауаа амассатә ахылаԥшра иаҵанамкуа рҭаара иазкны аларҵәара зауз адезинформациа ҳахцәажәар ҳҭахуп. Ауаажәлар ршәара иаҿуп атәыла адиверсиатә гәыԥқәа иалалеит ҳәа.

Атәылаҿ ашәарҭадаратә ҭагылазаашьа ҳахылапшуеит. Аҳәынҭқарратә шәарҭадаратә маҵзура егьырҭ иашьашәалоу аусҳәарҭақәа рҟны активтә режимла иашьашәалоу ауснагӡатәқәа мҩаԥнагоит арискқәа рырмаҷразы“, – иануп Аҳәынҭқарратә шәарҭадаратә маҵзура аҳәамҭа аҿы.

“Атәыла иаҭааз Урыстәылатәи афедерациеи, Беларуси егьырҭ атәылақәа ртәылауаа атәыла ашәарҭадаразы  ишәарҭа аазырԥшуа хымҩаԥгашьа иубарҭам. Хзыхцәажәоу апериод аан иаҭааз атәым тәылауаа рхыԥхьаӡара, иҳаҩсыз ашықәсқәа иашьашәалоу рпериод аан иаҭааз аҭааҩцәа рхыԥхьаӡара еиҳам“, – аарыцҳаит Аҳәынҭқарратә шәарҭадаратә маҵзура аҟынтә.