Аҳәынҭқарратә министр Ҭеа Ахвледиани Аҧснынтә ииагоу,  1990-тәи ашықәсқәа рзы хабарда иӡыз ауаа ртәылауаҩратә панихидаҿ дыҟан. Ари аинформациа аланарҵәеит аҳәынҭқарратә министр лаппарат.

„Аҳәынҭқарратә министр лаппарати Аџьар ҟаҧшь жәларбжьаратәи акомитети русеицурала, ақырҭуааи аҧсуааи рҽалархәрала еиҿкаау акоординациатә механизм аҳәаақәа ирҭагӡаны, уажәазы даҽа фҩык ауааҧсыра рыҧсыбаҩқәа ҧшааны, рыхьӡқәа еилкааны, риагара рылшеит. Урҭ рҟынтә хәҩык арратә маҵзуҩцәан, аӡәы аҭынчуаҩ иакәын.

Аибашьраан иҭахаз арҭ ауаа ртәылауаҩратә панихида мҩаҧысуеит Самеба акафедралтә ныхабааҿы.

1990-тәи ашықәсқәеи  2008 шықәсатәи аибашьреи раан хабарда иӡыз ауаа рыҧшаара амеханизмқәа рҳәаақәа ирҭагӡаны, активла аусура иалагеит  2013 шықәса инаркны. Иахьа уажәраанӡа иаарҧашуп  623ҩык рыҧсыбаҩқәа, урҭ рҟынтә 323ҩык рыхьӡқәа еилкаауп.  Макьана даҽа 2000ҩык раҟара хабарда иӡит ҳәа иҧхьаӡоуп“,- иануп аҳәынҭқарратә министр лаппарат аинформациаҿы.