Аинаалареи атәылауаҩратә аиҟарареи азҵаарақә рзы Қырҭтәыла аҳәынҭқарратә министр Ҭеа Ахвледиани  ОБСЕ амаӡаныҟәгаҩ хада  Ферудун Синирлиоҕлу диҧылеит.

Аҳәынҭқарратә министр лаппарат адыррақәа рыла, Ҭеа Ахвледиани  ОБСЕ амаӡаныҟәгаҩ хада ҭабуп ҳәа иалҳәеит Қырҭтәыла ахьыҧшымреи аҵакырадгьылтә акзаареи адгыларазы. Лара иаҵшьны иазгәалҭеит аҭынчмҩала аимак аҭыҧқәҵара апроцессаҿ   ОБСЕ алахәызаара аҵакы ҷыда шамоу.

Ҭеа  Ахвледиани амаӡаныҟәгаҩ хада инарҭбаау аинформациа илҭеит аҳәынҭқарратә министр иаппарат аусураҿы аҧыжәара змоу ахырхарҭақәа ирызкны.

«ОБСЕ аҭынчмҩала аимак аҭыҧқәҵара апроцессаҿ   ароль ду нанагӡоит.  Ари аиҿкаара Женеватәи аиҿцәажәарақәа реицхантәаҩцәа иреиуп, Аинцидентқәа рпревенциеи рықәҿыҭреи амеханизм иалахәып. Ҳара Аҧсни Цхинвалтәи арегиони рҿы азинтәи агуманитартәи ҭагылазаашьа ҳалацәажәеит. Иара убас, агәреибагара аиҭашьақәыргылара иазку аҭынчратә инициативақәа ҳарзааҭгылеит.  Убри адагьы, аҭынчра ашьақәыргыларазы наҟ-наҟ еицыҟаҳҵаша ашьаҿақәа ҳрыхәаҧшит», – илҳәеит аҳәынҭқарратә министр.

Аҳәынҭқарратә министр лаппаратә аинформациа ишану ала, аганқәа рхаҭарнакцәа наҟ-наҟ активла аусеицуразы еиқәшаҳаҭхеит.