Վրաստանում մոտ ապագայում բնակչության պատվաստումը հնարավոր կլինի «Փայզերի» պատվաստանյութով. Էկատերինե Տիկարաձե
Վրաստանում մոտ ապագայում բնակչության պատվաստումը հնարավոր կլինի «Փայզերի» պատվաստանյութով. Էկատերինե Տիկարաձե

Վրաստանում մոտ ապագայում բնակչության պատվաստումը հնարավոր կլինի «Փայզերի» պատվաստանյութով,- այս մասին Վրաստանում ԱՄՆ-ի դեսպանի հետ հանդիպման ժամանակ հայտարարել է, բռնազավթված տարածքներից փախստականների, աշխատանքի, առողջապահության և սոցիալական հարցերի նախարար Էկատերինե Տիկարաձեն:

Առողջապահության նախարարության փոխանցմամբ, նախարարը մանրամասն տեղեկատվություն է տրամադրել ամերիկացի դիվանագետին, Վրաստանում համավարակաբանական իրավիճակի վերաբերյալ: Զրույցն ուղղված էր COVID 19 համավարակի դեմ պայքարին և պատվաստումներին:

«Կարևոր հանդիպում է տեղի ունեցել դեսպանի հետ: Մենք խոսեցինք համավարակի դեմ իրականացրած քայլերի, համավարակային իրավիճակի և փորձարկումների մասին: Հանդիպման հիմնական թեման պատվաստանյութն էր: Մենք ակտիվորեն համագործակցում ենք «Կովաքս» հարթակի հետ և որոշակի առաջընթաց ունենք այս հարցում, որ մոտ ապագայում հնարավոր կլինի պատվաստել բնակչությանը «Փայզեր» պատվաստանյութով», – հայտարարել է Էկատերինե Տիկարաձեն:

Իր հերթին ԱՄՆ-ի դեսպան Քելի Դեգնանը գնահատել է Վրաստանում COVID 19-ը զսպելու ուղղությամբ ձեռնարկված քայլերը:

Հանդիպմանը ներկա էր նաև բռնազավթված տարածքներից փախստականների, աշխատանքի, առողջապահության և սոցիալական հարցերի փոխնախարար Թամար Գաբունիան:

Թողնել մեկնաբանություն