“Адипломатиа ари акризис алҵра мҩа заҵәык ауп” – иазгәаҭоуп ЕАШ аҳәынҭқарратә маӡаныҟәгаҩ Ентони Блинкен Украина ивизит иалагаанӡа ЕАШ аҳәынҭдепартамент аланарҵәаз аҳәамҭа аҿы.

ЕАШ аҳәынҭдепартамент аҳәамҭаҿ ишану ала, атәылақәа рсуверенитети ртерриториатә акзаареи патуқәҵареи, ауаҩытәыҩса ашьаҭатәи рзинқәеи рхақәиҭреи пату рықәҵатәуп

“Аҵыхәтәантәи ҩажәижәаба шықәса ирылагӡаны Урыстәыла агәыла тәылақәа – Украинеи, Қырҭтәылеи Молдовеи ирықәлеит, аҭыԥ аман алхрақәа рҽалагалара, ауаҩшьразы рхы иадырхәит ахимиатә бџьар (Скрипаль, Навальныи), еиланагеит абџьар ахылаԥшра иазку жәларбжьаратәи еиқәшаҳаҭрақәа. Ҳареи ҳадгылаҩцәеи арҭ азҵаарақәа арҭ амшқәа рзы Урыстәыла аҿаԥхьа иқәҳаргылоит. Украинеи, Қырҭтәылеи Европа атәылақәеи рыуаажәлар рзы аԥеиԥш алхра зин, Натои Евроатлантикатәи аиҩызареи рлалара аӡбара адкылара зин рхала рымоуп,” – иануп ЕАШ аҳәынҭдепартамент аҳәамҭа аҿы.

Иара убас аҳәамҭаҿ ишану ала, ЕАШ агәаанагарала, аҭагылазаашьа аҭыԥқәҵаразы мҩа зыҵәык адипломатиа ауп.

ЕАШ аҳәынҭқарратә маӡаныҟәгаҩ иахьа Украина даҭаауеит, уа атәыла ахадеи адәныҟатәи аусқәа рминистри дырԥылоит. Украинантә Блинкен аофициалтә визитла Германтәыла ддәықәлоит.