Уæрæсе  Украинайы, Киевы, Одессæ, Львовы, Харьковы, Днепропетровскы   регионты   цæрæн   сыхтыл  æмæ  энергетикон  объекттыл  масштабон бырст сыххæст кодта. Львовы  зылды   ракетон   бырсты  амæттга  фесты цыппар сабыр æмбæстаг.  Бомбæкалды  фæстæ  бæстыхайы   хай ныккалдис  æмæ  фæзындис сыгъд.

Украинаг медиайы   информацийæ, Уæрæсе   ракетон   бырст æртæ   хъармэлектростанцæйыл  сыххæст кодта, кæцы йы  фæстиуæгæн объекттæ  серьозонæй базина сты.  Запорожьейы  атомон  электростанцæ æнæхъæнæй  раиу ис   Уырыссаг  ракетон  хафты  тыххæй. Бомбæкалды фæстиуæгæн   Харьков æнæрухсæй  баззад.

Украинайы  гарзджын тыхты  сæйрагкамандагæнæг Валери Залужнйы  фидиуæнæй, Уæрæсе   Украинайы  территорийыл 81   æндæр  æмæ æндæр типы  ракетæ  фехста, сæ нымæцы 28 «Х-101/Х-555» типы  базырджын ракетæ, 20 «Калибры» типы базырджын ракетæ,  6  «Х-22» типы  базырджын ракетæ, 8 скъæргæ  авиацион   ракетæ, 13  «С-300»-ы типы   зенитон   скъæргæ  ракетæ, афтæма   ауагъдта  8 «Шахеды»  типы æнæпилот   хæдтæхæг.

Украинайы  уæлдæфон иргъæфы  тыхтæ  34 базырджын ракетæ æмæ цыппар æнæпилот   тæхæн аппараты  снæнзианхъом кодтой.