Стыр Британийы паддзахадон министр Стивен Даути ЕÆÆО 2025 азы министрады рабадтыл ноджы иу хатт æрсидт Уæрæсемæ, цæмæй сæххæст кæна йæ хæслæвæрдтæ ЕÆÆО-йы раз æмæ акæна йæ тыхтæ Гуырдзыстонæй, сæрмагондæй та Абхаз æмæ Хуссар Ирыстонæй.

Йæ раныхасы Даути афтæ дæр фæныхас кодта «2022 азы Уæрæсейы æрдыгæй Украинæйы ныхмæ райдыдта æнæзакъонон æмæ æнæпровокацигонд хæсты тыххæй», кæцы, бритайнаг министры ныхæстæм гæсгæ, Уæрæсе йæ къæхты бын ныццавта «Хельсинкийы кæронбæттæн акт» æмæ фехæлдта æппæт уыцы хæстæ, кæцытыл бындуриуæг кæны ОSСЕ.

Йæ ныхасмæ гæсгæ, Уæрæсе уадзы кампани, кæцыйы нысан у «нацийы фидæны скуынæг кæнын» æмæ Стыр Британи æппынæдзух лæудзæн Украинæйы фарсмæ. Уый ма ноджы иу хатт æрсидт Уæрæсемæ сæххæст кæнын йæ хæслæвæрдтæ æмæ Абхаз æмæ Хуссар Ирыстонæй акæнын йе фсæдты.

«Мах сидæм Уæрæсемæ сæххæст кæна ОSСE-йы хæслæвæрдтæ æмæ акæна йæ æфсæддонты Гуырдзыстоны Абхаз æмæ Хуссар Ирыстонæй, æмæ Молдовæйы Приднестровьейæ æхсæнадæмон барад æххæстæй æххæст кæнгæйæ», -расидтис Стыр Британийы министр.

Уый афтæ дæр фæныхас кодта Дональд Трампы администрацийы тыхархайдтыты фæдыл сабырад сфидар кæнынæн. Йæ аргълæвæрдмæ гæсгæ, Украинæйы конструктивон æмæ принципиалон бастдзинад ацы процессы фæстаг къуыриты æрхаста реалон прогресс.

«Æцæгæйдæр, бадзырд гæнæн ис æмæ уа историон æмæ ахсджиаг момент Европæйы æдасдзинадæн, фæлæ уый æнцон нæ уыдзæн. Путин бирæ хæттыты фехæлдта йæ ныхас æмæ нырма ницы нысæнттæ ис, цæмæй уый цæттæ у æнæхин бадзырдтæм. Уæдæ, цыфæнды ма æрхæссой æввахс бонтæ, мах хъуамæ æрæвæрæм нæ хъус фидæнмæ – æмæ уый у фидæн, кæцыйы ис фидар, сабыр æмæ дидинæфтыд ОSСE Украинæйæн, цæмæй баххуыс кæна Украинæйæн», — загъта бритайнаг министр.